Напярэдадні святкавання Дня Перамогі, а таксама ў рамках праекта "170 добрых спраў" Кастрычніцкія ратавальнікі навялі парадак на месцы пахавання Героя Савецкага Саюза Мікалая Кірэева.

5 ліпеня 1944 года каля вёскі Волма знішчальнік пілота Кірэева быў падбіты супернікам з зенітнай устаноўкі. Малодшы лейтэнант Мікалай Кірэеў прыняў рашэнне накіраваць палаючы самалёт у вялікую колькасць варожай тэхнікі ля пераправы праз раку Свіслач, паўтарыўшы подзвіг Мікалая Гастэлы. На месцы гібелі героя ўстаноўлены памятны абеліск.

Гэта месца мае асаблівае значэнне для пажарнай аварыйна-выратавальнай часці №36. Кастрычніцкі РАНС узяў пад шэфства і кожны год напярэдадні свята Вялікай Перамогі прыводзіць яго ў парадак. Ратавальнікі ачысцілі ад сухой травы і лісця тэрыторыю помніка, пабялілі і падфарбавалі элементы абеліска. Усклалі кветкі Герою і ўшанавалі памяць хвілінай маўчання.