Работнікі Кастрычніцкага раённага аддзела па надзвычайных сітуацыях сумесна з прадстаўнікамі БРСМ, АСВОД і РУУС працягваюць праводзіць рэйды па месцах масавага адпачынку грамадзян з мэтай папярэджання ад няшчасных выпадкаў на вадаёмах.
Асаблівую ўвагу ратавальнікі надаюць месцам, забароненым для купання. Ратавальнікі сумесна з работнікамі АСВОД рэгулярна праводзяць рэйды па набярэжнай ракі Лошыца і нагадваюць жыхарам правілы бяспечных паводзін каля вадаёмаў: не купацца ў неабсталяваных для гэтага месцах, не заходзіць у ваду ў стане алкагольнага ап'янення, пільна сачыць за малалетнімі дзецьмі.
У завяршэнні гутарак адпачывальнікі атрымліваюць буклеты бяспекі і інфарматыўную прадукцыю ад работнікаў МНС.